Tag: តារាសម្ដែង

ភ្នំពេញៈ ចាត់ទុកជារឿងភ្ញាក់ផ្អើលដែលព្រឹត្តិការណ៍ដើរលើកម្រាលព្រំទ្រង់ទ្រាយធំរបស់សាកលវិទ្យាល័យន័រតុន ត្រូវបានអ្នករៀបចំកម្មវិធីអះអាងថាកើនដល់ជិត១០០នាក់ ដែលស្ម័គ្រចិត្តបង្ហាញខ្លួនសម្រាប់ព្រឹត្តិការណ៍រៃអង្គាសថវិកាជួយដល់មន្ទីរពេទ្យគន្ធបុប្ផានៅនៅល្ងាចថ្ងៃទី១៧ កញ្ញាស្អែក។ តារាទាំងនោះក្រៅពីស្ម័គ្រចិត្តច្រៀងរាំ ស្ម័គ្រចិត្តដើរម៉ូដ និងស្ម័គ្រចិត្តកាន់ហិបរៃអង្គាសថវិកាដើម្បីជាប្រយោជន៍ដល់មន្ទីរពេទ្យគន្ធបុប្ផា ក៏មានតារាល្បីៗស្ម័គ្របង្ហាញខ្លួននៅលើកម្រាលព្រំដើម្បីឲ្យសិស្សនិស្សិតបានថតរូបជាមួយនៅក្នុងព្រឹត្តិការណ៍នោះផងដែរ។ លោក ផាត់ តារារដ្ឋ ស្ថាបនិកGroup «គ្រួសារតារាកម្ពុជា» និងជាអ្នករៀបចំព្រឹត្តិការណ៍សិល្បៈសម្រាប់វេទិកាដើរលើកម្រាលព្រំនៅថ្ងៃទី១៧ កញ្ញា នៅបរិវេណសាកលវិទ្យាល័យន័រតុន បានអះអាងថាយោងតាមតារាងកម្មវិធីចុងក្រោយ តារាសិល្បៈដែលនឹងបង្ហាញខ្លួននៅក្នុងព្រឹត្តិការណ៍នេះនឹងអាចឈានដល់រង្វង់១០០នាក់ ដោយសារតែក្រៅពីតារាចម្រៀង…

ភ្នំពេញៈ មកទល់ពេលនេះគេកត់សម្គាល់ថា តារាសម្ដែងដែលត្រូវគេស្គាល់ជាតួជំទាវ កញ្ញា ហេង ស្រីពេជ្រ បានទទួលជោគជ័យយ៉ាងខ្លាំងក្នុងការសម្ដែងភាពយន្ត។ ក្នុងនោះទីផ្សារថតស្ពតក៏តារាស្រីរូបនេះកន្ទ្រាក់បានច្រើនណាស់ដែរ ប៉ុន្តែទន្ទឹមនឹងភាពជោគជ័យ នាងបែរជានៅតែមានរឿងស្មុគចិត្ត និងបានបន្តទម្លាយនូវរឿងតូចចិត្ត។ ហេង ស្រីពេជ្រ បានថ្លែងប្រាប់ថា ជីវិតរបស់នាងទម្រាំឈានដល់ចំណុចបច្ចុប្បន្ន បានទទួលនូវការតស៊ូយ៉ាងច្រើន។ ក្នុងជីវិតអតីតក៏ពោរពេញដោយការលំបាកខ្លាំងក្លាណាស់ដែរ ដោយក្រៅពីត្រូវរ៉ាប់រងការចំណាយដ៏ច្រើនលើសលប់ចំពោះខ្លួនឯង ក៏ត្រូវដើរតួជាអ្នកផ្គត់ផ្គត់ចំពោះគ្រួសារផងដែរ។ នាងថា…

ភ្នំពេញៈ កាលពីយប់ថ្ងៃទី១០ កញ្ញា តារាសម្ដែងស្រស់សោភាអ្នកនាងពេជ្រ ខេនឌី បានប្រារព្ធពិធីបង្កក់កូនប្រុសវ័យទើបមួយខែយ៉ាងអធឹកអធមនៅបុរី999 ខាងក្រោយផ្សារហេងលី។ ពិធីនេះបើទោះជាមានវត្តមានតារាសិល្បៈមិនច្រើន ប៉ុន្តែសម្រាប់ភ្ញៀវកិត្តិយសជាអ្នកមុខអ្នកការ និងជាពិសេសគឺអ្នកជំនួញគឺមានច្រើន។ តារាសម្ដែងពេជ្រ ខេនឌី ដែលមានស្នាដៃសម្ដែងរាប់មិនអស់នៅតាមផលិតកម្មក្រៅស្រុកដូចជាផលិតរ៉ៃមាស តោមាស និងបុប្ផាជាដើមនោះ បានអះអាងថាក្រោយការបាត់មុខមួយរយៈនាងក៏បានភពប្រសព្វជាមួយបុរសជាអ្នកជំនួញចិន និងបង្កើតបានកូនប្រុសម្នាក់ឈ្មោះ យាន ខៃខៃ ដែលទើបកើតបានមួយខែ។…

ភ្នំពេញៈ ក្នុងពិធីសម្ពោធរឿង«ចន្ទ្រា»កាលពីយប់ថ្ងៃទី៨ កញ្ញាម្សិលមិញ គេកត់សម្គាល់តារាអតីតតារាសម្ដែងជើងចាស់អ្នកនាង ស្រីតូច ចំណាន ដែលអ្នកណាក៏ស្គាល់ថា ជាជំទាវពេញសិទ្ធិរបស់អ្នកឧកញ៉ាគិត ម៉េង បានក្លាយជាភ្ញៀវកិត្តិយសដែលលេចធ្លោជាងគេយ៉ាងខ្លាំង បើធៀបនឹងតារាសិល្បៈល្បីៗដែលបានបង្ហាញវត្តមាន។ ស្ទើរតែគ្រប់តារា និងភ្ញៀវកិត្តិយសសឹងមិនមានអ្នកណាមិនតាមសង្កេតចំពោះអ្នកនាងនោះទេ ខណៈដែលជំទាវដ៏មានកិត្តិយសរូបនេះក៏ត្រូវតារាសិល្បៈរួមអាជីព និងភ្ញៀវកិត្តិយសសុំថត និងផ្ដល់ការគោរពខុសពីតារាសិល្បៈផ្សេងទៀត។ នៅក្នុងពិធីដើរលើកំរាលព្រំក្រហមដ៏អស្ចារ្យនោះ អ្នកនាងបានបង្ហាញវត្តមានក្រោយគេ ប៉ុន្តែបើក្រឡេកមើលពីការចាប់អារម្មណ៍គឺនាំមុខគេ ជាពិសេសនៅពេលដែលអ្នកនាងនៅតែមានរាងស្អាត…

ភ្នំពេញៈ យោងតាមប្រភពដែលបានបង្ហើបឡើងបានអះអាងថាលោកខៃ ប្រសិទ្ធិ អតីតតារាសម្ដែងល្បីឈ្មោះ គឺនៅមានឈ្មោះបុរសមិនទាន់រៀបការជាលើកទី២នៅឡើយទេ បើទោះជាលោកបានចាកចេញទៅរស់នៅប្រទេសអូស្រ្តាលី តាំងពីអំឡុងឆ្នាំ១៩៩៩ក្នុងពេលអ្នកស្រីពិសិដ្ឋ ពិលីកា ជាភរិយាត្រូវបានខ្មាន់កាំភ្លើងបាញ់ប្រហារនៅជិតផ្សារអូរឫស្សី។ យ៉ាងណាក៏ដោយសាមីខ្លួនរូបនេះ ធ្លាប់បានបញ្ជាក់ថាលោកមានមិត្តស្រីរួចហើយ ដោយគ្រាន់តែលោក និងនាងមិនទាន់ច្បាស់លាករឿងចាប់ដៃគ្នាក្រោមស្លាកអាពាហ៍ពិពាហ៍ប៉ុណ្ណោះ។ លោកខៃ ប្រសិទ្ធិ ធ្លាប់បានថ្លែងប្រាប់បណ្ដាញសារព័ត៌មានក្នុងស្រុកមួយក្នុងពេលលោកចុះមកធ្វើបុណ្យនៅស្រុកខ្មែរលើកចុងក្រោយថា លោកមិនទាន់រៀបការ និងមានភរិយាជំនួសឲ្យអ្នកនាងពិសិដ្ឋ ពិលីកានៅឡើយទេ ដោយសារតែលោកក៏មានភារៈត្រូវមើលកូនកំលោះដែលជាដំណក់ឈាមរបស់អតីតភរិយានោះដែរ។…