នេប៉ាល់ហាមឃាត់ការលក់មាន់បន្ទាប់ពីជំងឺផ្ដាសាយបក្សីផ្ទុះឡើងជាថ្មី
ប្រទេសនេប៉ាល់ បានធ្វើការហាមឃាត់ការលក់សត្វមាន់នៅក្នុងប្រទេស បន្ទាប់ពីមន្ត្រីសុខាភិបាលបានរកឃើញករណីជំងឺគ្រុនផ្ដាសាយបក្សីនៅក្នុងកសិដ្ឋានបសុបក្សីមួយចំនួននៅជាយរដ្ឋធានី Kathmandu នេះបើយោងតាមមន្ត្រីសមត្ថកិច្ចឲ្យដឹង។ មន្ត្រីសុខាភិបាលប្រចាំការនៅក្នុងការិយាល័យសុខភាពសត្វ បាននិយាយថា រដ្ឋាភិបាលបានធ្វើការហាមឃាត់ការផ្គត់ផ្គង់ និងលក់នូវផលិតផលបសុបក្សីដើម្បីបង្ការមេរោគបក្សី H5N1 ពីការរីករាលដាលដល់មនុស្ស។ លោក Bolraj Acharya ប្រធានការិយាល័យសុខភាពសត្វបាននិយាយថា “យើងបានសម្រេចចិត្តជ្រើសរើសយកវិធីនេះ ដើម្បីរក្សានូវជីវិតមនុស្ស រួមនឹងផលប៉ះពាល់ដល់កសិដ្ឋានបសុបក្សី”។ ចាប់តាំងពីផ្ទុះឡើងនូវជំងឺផ្ដាសាយបក្សីកាលពីពីរសប្ដាហ៍កន្លងទៅនេះ…