Tag: វង្ស ថាណាន់

ក្រោយពីបានបោះជំហាននៅក្នុងវិថីសិល្បៈ ហើយទទួលបានស្នាដៃច្រើនឡើងដូចជាឡើងឆាក និងចេញបទចម្រៀង Original Song ជាហូរហែ ដោយមានទាំងការគាំទ្រ និងស្គាល់ច្រើនផង តារាចម្រៀងដែលត្រូវគេស្គាល់ថា ជាកូនកំព្រាឪពុកម្ដាយបោះបង់តាំងពីរតូច រហូតមិនស្គាល់ទាំងឆ្នាំកំណើតខ្លួននោះ បានប្រកាសជំហរថ្មីថា លោកចង់ជ្រកកោនផលិតកម្ម។ លោកថា ការផលិតបទចម្រៀងផ្ទាល់ខ្លួន គឺទោះជាបានទទួលជោគជ័យកម្រិតណា ក៏ចាញ់ប្រៀបតារាចម្រៀងដែលមានផលិតកម្មច្រៀងនោះដែរ ថ្វីដ្បិតថាការជ្រកនៅក្នុងផលិតកម្ម នឹងអាចប្រឈមរឿងផលិតកម្មមិនសូវទម្លាក់បទ ឬមិនសូវមានបទល្អ…

កាលពីព្រឹកថ្ងៃទី១៣ មករា គេកត់សម្គាល់ថា ព្រឹត្តិការណ៍តន្ត្រីសប្បុរសធម៌លើកទី៩ និងអបអរខួបលើកទី៥៨របស់សាកលវិទ្យាល័យភូមិន្ទភ្នំពេញ ពិតជាកក្រើកយ៉ាងខ្លាំង ដោយសារតែវត្តមានគណអធិបតីដែលអញ្ជើញចូលរួមសុទ្ធតែសមាសភាពមន្ត្រីជាន់ខ្ពស់ និងពិសេសគឺមានក្រុមចម្រៀងក្មេងៗ យ៉ាងច្រើនកុះករ មកពីគ្រួសារតារាកម្ពុជា ចូលកូរនៅក្នុងកម្មវិធី។ នេះជាវត្តមានចូលរួមលើកទី១របស់គ្រួសារតារាកម្ពុជា ហើយជាវេទិកាដែលគេចាប់អារម្មណ៍ថា មានការចាប់អារម្មណ៍យ៉ាងកក្រើកផងដែរ បើទោះជាវត្តមានតារាសិល្បៈ ដែលបានបង្ហាញខ្លួនសុទ្ធសឹងតែជាតារាពន្លកថ្មី និងមិនទាន់ល្បីល្បាញលំដាប់ប្រទេសនៅឡើយ។ តារាសិល្បៈដែលបានបង្ហាញ នៅក្នុងវេទិកានោះ រួមមានតារាចម្រៀងមកពី…

ខុសពីតារាភាគច្រើនដែលមានអារម្មណ៍រំភើប និងអរចង់ហោះជាមួយនឹងការបង្ហាញខ្លួនក្នុងកម្មវិធីធំដុំដែលមានអ្នកទស្សនាកកកុញ សម្រាប់តារាចម្រៀងក្មេងកំព្រាលោក វង្ស ថាណាន់ ដែលមានឱកាសបានបង្អួតបទOriginal របស់ខ្លួនបែរជាមានអារម្មណ៍ផ្អើលៗទៅវិញ បើទោះជាលោកមានបទពិសោធន៍បង្ហាញខ្លួនរាប់មិនអស់នៅលើកញ្ចក់ទូរទស្សន៍។ លោកថាហេតុផលនៃការផ្អើលនោះ មិនមែនភ័យនឹងឆាក ឬការប្រគំតន្ត្រីដែលមានលក្ខណៈជាទ្រង់ទ្រាយធំនោះទេ ប៉ុន្តែវាហាក់ធ្វើអោយចង់ស្រក់ទឹកភ្នែក ដែលលោកគ្រាន់តែជាកូនកំព្រាមិនធ្លាប់បានស្គាល់ការថ្នាក់ថ្នមរបស់ឪពុកម្ដាយដូចគេ ស្រាប់តែមានវាសនាបានក្លាយជាតារាចម្រៀងដែលអាចបរិច្ចាគបទចម្រៀងជួយដល់កុមារៗក្រីក្រនៅក្នុងមន្ទីរពេទ្យគន្ធបុប្ផាទៅកើត។ លោកមានបានបញ្ជាក់ថា រំភើបណាស់ដែលលោកបានរួមចំណែកជួយដល់សង្គម ហើយបានបង្ហាញខ្លួនជាមួយនឹងតារាល្បីៗនៅលើវេទិកាធំដុំរបស់គ្រួសារតារាកម្ពុជា ដែលបានធ្វើឡើងក្រោមការរៀបចំរបស់សាកលវិទ្យាល័យន័រតុន ដើម្បីជាប្រយោជន៍ដល់មន្ទីរពេទ្យគន្ធបុប្ផា។ លោកថាខ្លួនធ្លាប់ក្រ…

បន្ទាប់ពីទទួលបានជោគជ័យជាមួយនឹងបទ Original ២បទ តារាចម្រៀងលោក វង្ស ថាណាន់ ដែលត្រូវគេស្គាល់ថាជាតារាចម្រៀងដែលត្រូវឪពុកម្ដាយបោះបង់អោយរស់នៅក្នុងមណ្ឌលតាំងពីកុមារភាពដោយមិននឹកនានោះ បានចេញបទចម្រៀងទី៣របស់ខ្លួនជាផ្លូវការហើយកាលពីដំណាច់ខែសីហាមុននេះ ដោយបទចម្រៀងរបស់លោកគឺមានខ្លឹមសារឆ្លើយឆ្លងជាមួយម្ចាស់ដើមគឺលោកស្រី រស់ សេរីសុទ្ធានោះផង។ បទទី៣របស់លោកនេះ គ្រាន់តែបានបង្ហោះភ្លាមមានការចាប់អារម្មណ៍ភ្លែតតែម្ដង ដោយលោកនឹងត្រៀមផលិតជាMV អោយទាក់ទាញនោះផង។ បទចម្រៀងដែលលោកចេញបង្ហោះនេះគឺមានចំណងជើងថា«សុំទោសដែលអោយអូនចាំ» ដោយអត្ថន័យទាំងស្រុងនៅក្នុងបទចម្រៀងគឺមានន័យគ្រប់គ្រាន់ឆ្លើយតបទៅនឹងខ្លឹមសារបទចម្រៀងដែលមានចំណងជើងថា«អូននៅតែចាំ»របស់តារាចម្រៀងរស់ សេរីសុទ្ធា ដែលបានល្បីល្បាញតាំងពីក្នុងជំនាន់សង្គមរាស្រ្តនិយម។ នេះជាបទចម្រៀងលើកដំបូងដែលលោកផលិតឡើងក្នុងទម្រង់ជាប្រភេទបទចម្រៀងដែលបានចម្លងសាច់ភ្លេងពីបទដែលមានស្រាប់…