Tag: សម្អាងការ

ការបង្ហាញខ្លួនទទួលថតសម្អាងការរបស់អតីតតារាសម្ដែង និងជាតារាចម្រៀងសាច់ទ្រលុកទ្រលន់ អ្នកនាងឡាយ លក្ខិណា បានធ្វើអោយមានការភ្ញាក់ផ្អើលយ៉ាងខ្លាំងពីសំណាក់មហាជនដែលធ្លាប់គាំទ្រចំពោះអាជីពសិល្បៈរបស់នាង។ យ៉ាងណាមិញ មានការទម្លាយពីក្រុមអ្នកតែងសម្អាងអោយអ្នកនាងថាអ្នកនាងគ្រាន់តែមកលងលេងៗប៉ុណ្ណោះ ប៉ុន្តែបើអោយអ្នកនាងមកទទួលសម្ដែងជាថ្មី ឬឡើងច្រៀងជាថ្មី គឺអ្នកនាងមិនទទួលទេ។ បើទោះជាបានឃ្លាតឆ្ងាយពីការងារសិល្បៈមិនក្រោម១០ឆ្នាំតាំងពីអ្នកនាងបរាជ័យជីវិតអាពាហ៏ពិពាហ៍ ក៏អ្នកនាងឡាយ លក្ខិណា នៅតែមានសម្រស់ស្រស់សោភាពគ្រប់ពេលតែងខ្លួន។ អ្នកនាងបានធ្វើអោយមានការចាប់អារម្មណ៍ជាថ្មីក្រោយពីបោះបង់សិល្បៈ ហើយរត់មកចាប់អាជីពលក់សម្លៀកបំពាក់នៅផ្សារអូរប្ញស្សី។ យ៉ាងណាមិញ ព័ត៌មានចុងក្រោយថាអ្នកនាងមិនសូវខ្វល់ខ្វាយរឿងមុខរបរកំប៉ុកកំប៉ុកមួយនោះទៀតទេ ហើយក៏រស់ហ៊ឺហារផងដែរ បើទោះជាអ្នកនាងមិនមានជីវភាពស្ដុកស្ដម្ភដល់ថ្នាក់ដូចតារារួមជំនាន់មួយចំនួនដែលមានស្វាមីជាឧកញ៉ា…

មិនតិចជាង១០ឆ្នាំនោះទេ ដែលតារាសម្ដែងលោក សឿន វីតា បានតស៊ូនៅក្នុងពិភពសិល្បៈ ខណៈដែលលោកបានសារភាពថារយៈពេលប្រមាណជាច្រើនឆ្នាំមុន គឺដើរសុំគេថតផង សុខចិត្តថតមិនទទួលបានតម្លៃសមរម្យផង នៅតែគ្មានរឿងបានសម្ដែងទៀត។ លោកទើបតែស្គាល់ឱកាសឡើងកូដប្រមាណជា២ឆ្នាំចុងក្រោយនេះប៉ុណ្ណោះដោយក្នុងមួយខែហោចណាស់ក៏ទទួលបាន៣ទៅ៤រឿងដែរ ខណៈដែលការសម្ដែងមួយរឿងៗទទួលបានតម្លៃខ្លួនខ្ពស់ ធ្វើអោយលោកមានប្រាក់ចំណូលមិនធម្មតា។ លោក សឿន វីតា បានអះអាងក្នុងពិធីក្រុងពាលីចេញថតរឿង«ធនញ្ជ័យ»របស់ផលិតកម្ម B&S Good Day Video…

ទើបតែបានឡើងកូដក្នុងអាជីពជាពិធីការិនីប្រចាំនៅទូរទស្សន៍អាស៊ីអាគ្នេយ៍ និងបានតំណែងតួឯកក្នុងភាពយន្តភាគរបស់ផលិតកម្មមហាហង្ស តារាស្រីពូកែថ្វីមាត់នាង ណាក់ ស្រីណា បានប្រកាសអោយដឹងពីគម្រោងអាជីវកម្មទ្រង់ទ្រាយធំរបស់ខ្លួនភ្លាមកាលពីយប់ថ្ងៃទី២៧ សីហា។ នោះគឺហាងសម្អាងការដោយនាងយកឈ្មោះបងប្រុសរបស់នាងដែលជាអ្នកជំនាញផ្នែកសម្អាងគឺ«ណុប​ ដាណេ»ប្រើជាឈ្មោះសម្អាងការតែម្ដង ដោយសារតែនាងនិយាយថាក្នុងពិភពផ្នែកសម្អាងគេស្គាល់ថ្វីដៃរបស់បងប្រុសនាងច្រើនជាង។ ថ្លែងក្នុងពិធីបើកសម្ពោធសម្អាងការដែលមានទ្រង់ទ្រាយធំនៅម្ដុំផ្សារចាស់ទល់មុខហាងធ្វើសក់ម៉ែចាស់ តារាស្រីរូបនេះនិយាយថា ការពិតបងប្រុសរបស់នាងគឺលោកណុប ដាណេ មានសម្អាងការមួយឈ្មោះ«សម្អាងការណុប ដាណេ»នៅម្ដុំផ្សារផ្អៅក្នុងខេត្តកំពង់ចាមរួចហើយ ប៉ុន្តែមកពីនាងមើលឃើញអាជីពមួយនេះមានការរីកចំរើន ទើបនាងសម្រេចចិត្តទៅរៀនស្វែងយល់ផ្នែកសម្អាងហើយសម្រេចបោះទុនជាមួយបងប្រុសនៅភ្នំពេញមួយទៀតដោយសម្អាងការជាសាខាទី២នេះ គឺមានចំណែករបស់នាងពាក់តែម្ដងជាមួយនឹងបងប្រុសដែលជាអ្នកជំនាញ ដោយមិនមែនដូចសម្អាងនៅខេត្តកំពង់ចាមដែលមានតែភាគហ៊ុនរបស់បងប្រុសនាងនោះទេ។…

ក្នុងពិព័រណ៍សម្អាងការនៅកោះពេជ្រ កាលពីល្ងាចថ្ងៃទី៥ សីហា លោក អ៊ុន សិទ្ធា ត្រូវគេអោយដើរម៉ូដជាបុរសខ្មែរ ដោយមានកាន់ទ្រប្រាង្គប្រាសាទសំបូរព្រៃគុគ ។ អ៊ីចឹងហើយទើបរូបថត៨សន្លឹករបស់លោកពាក់ព័ន្ធនឹងការដើរម៉ូដនោះ ត្រូវបានគេចែកចាយទូលំទូលាយ។ រូបភាពរបស់លោក ត្រូវបានមហាជនកាន់តែផ្ដោតការចាប់អារម្មណ៍ចំពោះប្រាសាទសំបូរព្រៃគុកនោះផង បន្ទាប់ពីប្រាសាទមួយនេះត្រូវបានដាក់បញ្ចូលជាសម្បត្តិបេតិកភណ្ឌពិភពលោក។ រូបភាពរបស់លោក អ៊ុន សិទ្ធា ក៏ស្របនឹងសកម្មភាពរបស់តារាសិល្បៈភាគច្រើន ដែលកំពុងមមាញឹកក្នុងការថតបទនិយាយពីប្រាសាទសំបូរនៅឯទីប្រាសាទផ្ទាល់ នៅថ្ងៃទី៦…

ក្នុងកិច្ចសម្ភាសន៍ដោយផ្ទាល់លើកចុងក្រោយ អ្នកនាង ស្វែង សុជាតា បង្ហាញពីអារម្មណ៍សប្បាយចិត្តយ៉ាងខ្លាំងជាមួយនឹងសម្រស់ក្នុងពេលថតសម្អាងឲ្យម្ចាស់សម្អាងការមួយ បន្ទាប់ពីរូបថតគ្រប់សន្លឹកឈប់ឈុតរបស់នាងឃើញហើយគឺស្អាតមិនធម្មតា។ ជាមួយនឹងសម្រស់ដែលខុសគ្នាដាច់ឆ្ងាយនឹងពេលមិនទាន់ស្លៀកឈុតកូនក្រមុំនេះ អ្នកនាងប្រកាសថានឹងប្រញាប់រៀបការឲ្យបានឆាប់ ទាន់សម្រស់អ្នកនាងនៅតែងបានស្អាត និងដើម្បីកុំឲ្យខុសដំណម។ អ្នកនាងស្វែង សុជាតា និយាយថាអ្នកនាងនៅតែមានបំណងរៀបការដើម្បីលើកមុខស្វាមីផង និងដើម្បីឲ្យត្រូវនឹងដំណមផងដែរ ដែលមានគ្រូប្រកាសថាអ្នកនាង និងស្វាមី គឺត្រូវតែរៀបការតាមប្រពៃណីទើបបានសុខសាន្តគ្មានរឿងចម្រូងចម្រាស់។ ប៉ុន្តែគម្រោងមួយនោះត្រូវបានអ្នកនាង និងស្វាមី ទម្លាក់ចោលរហូតដោយសារតែរឿងរវល់ខ្លាំង…

កាលពីថ្ងៃទី២២ និង២៣ កក្កដា នៅអគារពាណិជ្ជកម្មកោះពេជ្រ មានការតាំងពិព័រណ៍ស្ដង់អាពាហ៍ពិពាហ៍ពីសំណាក់ម្ចាស់សម្អាងការជាច្រើននៅទូទាំងកម្ពុជា។ អ៊ីចឹងហើយទើបគេឃើញតារាសិល្បៈខ្មែរយ៉ាងច្រើនកុះករ ត្រូវបង្ហាញខ្លួនជាតារាម៉ូដែល ដោយគ្រងសម្លៀកបំពាក់សម្អាងការប្លែកៗ ធ្វើឲ្យសម្រស់របស់តារាទាំងនោះឈានឡើងមួយកម្រិត។ សម្អាងការនីមួយៗ ត្រូវគេឃើញបង្ហាញវត្តមានតារាសិល្បៈល្បីៗច្រើននាក់បង្អួតគ្នា ដើម្បីទាក់ទាញមហាជនក្នុងពិធីពិព័រណ៍ជាទ្រង់ទ្រាយធំរយៈពេល២ថ្ងៃនោះ។ ក្រៅពីបង្អួតគ្រឿងដណ្ដាប់ក្នុងមង្គល ម្ចាស់សម្អាងនីមួយៗ ក៏បង្អួតសម្លៀកបំពាក់ និងបង្អួតស្នាដៃតែងមុខកូនកំលោះកូនក្រមុំ ធ្វើឲ្យតារាៗដែលមានសំណាងត្រូវបានជ្រើសឲ្យបង្ហាញឈុតសម្លៀកបំពាក់ស្រស់ស្អាតដូចទេវបុត្រ និងទេពធិតាផងដែរ។ ខាងក្រោមនេះជាឈុតសំលៀកបំពាក់ស្អាតៗដែលបង្ហាញដោយតារាសិល្បៈក្នុងក្រុមគ្រួសារតារាកម្ពុជា ដែលរួមមាន…

ឆ្លើយតបនឹងការបង្ហោះរូបថតស្រគត់ស្រគំ ជាពិសេសរូបថតជារបៀបសម្អាងការលក្ខណៈបុរាណខ្មែរនៅលើហ្វេសប៊ុកក្នុងរយៈពេលចុងក្រោយ តារាសម្ដែងល្បីឈ្មោះខាងស៊ិចស៊ីកញ្ញា ដេនី ក្វាន់ បានអះអាងថាហេតុផលដែលនាងឈប់បង្ហោះរូបភាពស៊ិចស៊ីដូចមុន គឺដោយសារតែនាងប្រកាន់ជំហរលែងចង់ល្បីនឹងភាពស៊ិចស៊ីទៀតហើយ ដើម្បីលួងចិត្តឲ្យក្រសួងវប្បធម៌ពិចារណាជុំវិញការផ្ដល់ឱកាសឲ្យនាងបានចូលសិល្បៈជាថ្មី។ ជំហររបស់នាងត្រូវគេកត់សម្គាល់ថាខុសគ្នាដូចមេឃ និងដី បើធៀបនឹងមុនពេលក្រសួងវប្បធម៌ដាក់ចេញលិខិតបិទផ្លូវសិល្បៈ និងក្រោយពេលទើបនឹងចេញលិខិតនេះភ្លាមៗ។មន្ត្រីក្រសួងវប្បធម៌បានបង្ហាញការភ្ញាក់ផ្អើលចំពោះជំហររបស់នាង បើទោះជាបានហៅការប្រែប្រួលរបស់នាងថាយឺតពេលបន្តិចក្ដី។ ដេនី ក្វាន់ និយាយថា ចាប់ពីពេលនេះតទៅអ្នកលេងហ្វេសប៊ុកនឹងលែងបានឃើញរូបថតស៊ិចស៊ី ឬរូបភាពមិនសមភ្នែកថ្មីៗរបស់នាងត្រូវបានបង្ហោះ ឬបង្ហាញជាសាធារណៈនៅលើហ្វេសប៊ុកទៀតទេ ដោយសារតែនាងយល់ថាបម្រាមរបស់ក្រសួងដែលបានប្រកាសឲ្យផលិតករឈប់ទទួលយកនាងឲ្យសម្ដែងដល់ទៅ១២ខែកាលពីថ្ងៃ…

ក្រោយពីឡើងប្រកាសគម្រោងចង់រៀបការ តែមិនមានលទ្ធភាព បន្ទាប់ពីវិលត្រូវរ៉ូវជាមួយប្ដីក្មេងជាថ្មី អ្នកនាងស្វែង សុជាតាក៏បានតែងតួជាកូនក្រមុំដូចការចង់បាន បើទោះជានាងត្រូវប្ដូរកូនកំលោះក្នុងក្ដីស្រម៉ៃរបស់ខ្លួននោះក៏ដោយ។ អ្នកនាងថាសប្បាយចិត្ដ ដែលក្ដីស្រម៉ៃចង់ធ្វើជាកូនក្រមុំ ចង់តុបតែងកាយជាកូនក្រមុំហើយស្រាប់តែម្ចាស់សម្អាងការមួយ បានជ្រើសអ្នកនាងឲ្យថតម៉ូដឲ្យ ដោយអ្នកនាងបានទាំងចាត់ទុកថាសម្អាងការនោះជួយប្រែកាយឲ្យអ្នកនាងក្លាយជានារីស្រស់ស្អាតម្នាក់នោះផង។ អ្នកនាងស្វែង សុជាតា និយាយថា តាំងពីចូលប្រឡូកសិល្បៈ អ្នកនាងមិនធ្លាប់ត្រូវបានសម្អាងការណាមួយទាក់ទងឲ្យថតម៉ូដសម្អាងការនោះទេ គឺបានត្រឹមតែស្លៀកសម្លៀកបំពាក់រៀបការនៅថ្ងៃរៀបការក្រមុំកំលោះខ្លួនឯង និងពេលថតរឿងប៉ុណ្ណោះ ទើបអ្នកនាងរមែងស្រម៉ៃចង់ធ្វើកូនក្រមុំជាថ្មីម្ដងទៀតនៅពេលអ្នកនាងសម្រេចចិត្តជ្រើសយកលោក ថោង…