ការដាក់លក់នូវអ្វីមួយនៅលើទីផ្សារក្រោយគេគឺពិបាកក្នុងការដណ្ដើមទីផ្សារខ្លាំងណាស់ ជាក់ស្ដែងលោក លោក Steve Ballmer ដែលត្រូវជានាយកប្រតិបត្តិក្រុមហ៊ុនយក្ស Microsoft បានសារភាពទទួលស្គាល់កំហុសឆ្គងរបស់លោកថា ពិតជាយឺតពេល។
លោក Steve Ballmer បាននិយាយថា ការដែលក្រុមហ៊ុន Microsoft ចេញលក់ Surface ដែលជា tablet ដំបូងរបស់ខ្លួននៅលើទីផ្សារគឺជាពេលវេលាមួយដែលពិបាកក្នុងការលក់ ព្រោះថានៅពេលនេះ មាន tablet របស់ក្រុមហ៊ុនបច្ចេកវិទ្យាជាច្រើនបានឈរឈ្មោះបោះសំឡេងនៅលើទីផ្សារ។
តែនាយកប្រតិបត្តិរូបនេះ មិនបានអស់សង្ឃឹមឡើយ ដោយលោកបានបន្ដទៀងថា លោកនឹងខិតខំប្រឹងដណ្ដើមទីផ្សារដោយការប្រើប្រាស់នូវប្រព័ន្ធដំណើរការ Windows 8 ជាមួយនឹងឧបករណ៍ថ្មី ដែលមានទាំងកុំព្យូទ័រ និង Tablet។
គួរបញ្ជាក់ផងដែរថា បច្ចុប្បន្ន tablet ដែលក្ដោបក្ដាប់ទីផ្សារគឺជា tablet ដែលប្រើប្រាស់នូវប្រព័ន្ធដំណើរការ iOS របស់ក្រុមហ៊ុន Apple ចំណែកនៅសល់ប៉ុន្មានគឺជារបស់ Android ដែលជាប្រព័ន្ធដំណើរការរបស់ក្រុមហ៊ុន Google៕
មតិយោបល់