Tag: Liverpool

  កីឡាករខ្សែប្រយុទ្ធលេងឲ្យជម្រើសជាតិបានមួយគ្រា Danile Sturridge នៅសប្តាហ៍នេះត្រូវបានគេដឹងថាត្រូវបានក្លឹបដែលទើបនឹងឡើងមកលីគកំពូលអេស្បាញ Mallorca ផ្តល់ឱកាសក្នុងការធ្វើការងារជាមួយគ្នាហើយ។   កីឡាករវ័យ៣១ឆ្នាំរូបនេះត្រូវបានក្លឹបនៅតួកគីផ្តាច់កុងត្រាតាំងតែពីខែមិនាឆ្នាំ២០២០មកម្ល៉េះហើយមកដល់ពេលនេះមានរយៈពេល១៥ខែហើយដែលគាត់គ្មានឈ្មោះជាកីឡាកររបស់ក្លឹបណាមួយឡើយ។   អតីតកីឡាករខ្សែប្រយុទ្ធរបស់ហង្សក្រហម Liverpool រូបនេះត្រូវបានគេជឿជាក់ថាទទួលបានឱកាសវិលត្រឡប់ចូលលេងបាល់អាជីពឡើងវិញជាមួយនឹងក្លឹបទើបឡើងពីលីគក្រោមរបស់ La Liga គឺក្លឹប Mallorca ក្រោយពេលដែលកីឡាករបានបង្ហោះរូបថតជាច្រើនរបស់គាតនៅក្នុងទីលានហ្វឹកហាត់របស់ក្លឹបនេះរួចមក៕  

  The Goal នៅសប្តាហ៍នេះបានធ្វើការអះអាងថាកីឡាករខ្សែបម្រើវ័យក្មេងដែលកំពុងបង្ហាញសមត្ថភាពយ៉ាងអស្ចារ្យក្នុងនាមជាកីឡាករខ្ចីជើងជាមួយនឹងក្លឹប Blackburn កាលពីរដូវកាលមុន Harvey Elliott នោះកំពុងបានត្រៀមខ្លួនរួចរាល់ហើយបន្តកុងត្រាថ្មីរយៈពេលវែងជាមួយនឹងក្លឹប Liverpool។ ប្រភពដដែលបានឲ្យដឹងថាកីឡាករ Elliott រូបនេះបានសម្រេចចិត្តក្នុងការបន្តកុងត្រាថ្មីរយៈពេល៥ឆ្នាំរួចហើយជាមួយនឹងក្លឹប Liverpool ដោយរំពឹងទុកថានឹងអាចមើលឃើញឱកាសក្នុងការប្រកួតប្រជែងកម្រិតខ្ពស់ជាមួយនឹងក្លឹបនាពេលខាងមុខ។ គួរឲ្យដឹងដែរថាចាប់តាំងតែពីបានផ្ទេរមកពីក្លឹប Fulham កាលពីឆ្នាំ២០១៩មកកីឡាកររូបនេះបានបង្ហាញខ្លួនតែ៩ដងប៉ុណ្ណោះក្រោមការដឹកនាំរបស់លោក Jurgen Klopp…