ក្រោយពីបញ្ចេញកំណែសាកល្បងជំនាន់ទី ១០ សម្រាប់ក្រុមអ្នកអភិវឌ្ឍកម្មវិធីរួចមក នៅយប់ម្សិលមិញនេះ ក្រុមហ៊ុន Apple បានប្រកាសថ្ងៃបើកឱ្យអតិថិជនអ្នកប្រើប្រាស់ទូរសព្ទ iPhone និងឧបករណ៍ iPad ទូទៅ អាចធ្វើបច្ចុប្បន្នភាព (Update) ប្រព័ន្ធប្រតិបត្តិឧបករណ៍ររបស់ខ្លួនឱ្យឡើងដល់ iOS 11 ជំនាន់សម្រេចហើយ។

តាមរយៈព្រឹត្តិការណ៍បើកបង្ហាញ iPhone ស៊េរីឆ្នាំ ២០១៧ ក្រុមហ៊ុនថា អ្នកប្រើប្រាស់ផលិតផល iOS Devices ទូទាំងពិភពលោក នឹងអាចកែឡើង iOS 11 ចាប់ពីថ្ងៃទី ១៩ កញ្ញា ខាងមុននេះ ដោយស៊េរីតាមឧបករណ៍របស់ខ្លួនផ្ទាល់។

គួររំឭកថា iOS 11 ត្រូវបានពាំនាំមកជាមួយលក្ខណៈសម្បត្តិ និងមុខងារថ្មីៗជាច្រើន ជាអាទិ៍ ផ្ទាំងកម្មវិធីផ្តល់ដំណឹងរចនាឡើងជាមួយទម្រង់ថ្មី ចលនាបម្លាស់ទីចុះឡើង ឬទៅមកពីផ្ទាំងកម្មវិធីមួយទៅមួយ មានភាពកាន់តែរស់រវើក និងលឿនជាងមុន អាចលុបកម្មវិធីដោយស្វ័យប្រវត្តិដើម្បីសន្សំមេម៉ូរី​ កម្មវិធី Camera ថ្មីអាចជួយសំន្សំសំចៃមេម៉ូរី iPhone បាន ៥០% និងមានមុខងារថតវីដេអូលើអេក្រង់ស្រាប់ ជាដើម។ល។

សម្រាប់ប្រិយមិត្តណាដែលមិនចង់ចាំ អាច Update ប្រើជំនាន់សាកល្បងទី ១០ របស់វាតាមវីដេអូដែល Post Tech បង្ហាញខាងក្រោមនេះបាន។

iOS 11 ជិតចេញហើយ! តើដឹងថា ​iPhone/iPad ស៊េរីណាខ្លះអាចកែឡើងបាន?